കൊവ്വൽപള്ളിയിൽ കാറിലെത്തി അക്രമം അഞ്ച് പേർക്കെതിരെ വധശ്രമത്തിന് കേസ്

കാഞ്ഞങ്ങാട് :കൊവ്വൽപള്ളിയിൽ കാറിലെത്തി അക്രമം. അഞ്ച് പേർക്കെതിരെ പൊലീസ് വധശ്രമത്തിന് കേസെടുത്തു. കൊവ്വൽ പള്ളിയിലെ ഫിഷ് മീറ്റ് സ്ഥാപന ഉടമകളായ പടന്നക്കാട്ടെ ഷരീഫ് പാറമ്മൽ 32,മുഹമ്മദ് യാസിൻ എന്നിവർക്ക് നേരെയാണ് ആക്രമണം. ഇന്ന് ഉച്ചക്കാണ് സംഭവം. മാരകായുധങ്ങളുമായി ഇന്നോവ കാറിലെത്തിയവർ ആക്രമിച്ചെന്ന പരാതിയിൽ റിസാദ്, അജ്മൽ, ഹിസാം , മിദുൽ ലാജ്, ഫസൽ എന്നിവർക്കെതിരെയാണ് ഹോസ്ദുർഗ് പൊലീസ് നരഹത്യാ ശ്രമത്തിന് കേസെടുത്തത്. പഞ്ച്, ഇരുമ്പ് വടി കളുമായി കടയിൽ വന്ന് അക്രമിച്ചതായാണ് പരാതി. ഇരുമ്പ് വടി കൊണ്ട് തലക്കടിക്കുകയും പഞ്ച് കൊണ്ട് മുഖത്തും നെഞ്ചിനും ഇടിച്ചും നരഹത്യാ ശ്രമം നടത്തിയെന്നാണ് പരാതി. സംഭവത്തിൻ്റെ അരമണിക്കൂർ മുൻപ് ഇന്നോവ കാർ കൊവ്വൽ പള്ളിയിൽവെച്ച് റോഡ് മുറിച്ച് കടക്കുകയായിരുന്ന ആളെ ഇടിക്കാൻ ശ്രമിച്ചിരുന്നു. ഇതുമായി ബന്ധപ്പെട്ട പ്രശ്നമാണ് അക്രമത്തിന് കാരണമെന്ന് പറയുന്നു.