സ്കൂട്ടറിൽ കടത്തിയ ലഹരി വസ്തുക്കൾ പിടികൂടി യുവാവ് കസ്റ്റഡിയിൽ

കാഞ്ഞങ്ങാട് : സ്കൂട്ടറിൽ കടത്തുകയായിരുന്ന നിരോധിത ലഹരി വസ്തുക്കൾ പിടികൂടി . പ്ലാസ്റ്റിക് ചാക്കുകളിലാക്കി മംഗലാപുരത്ത് നിന്നും ചെർക്കളയിലേക്ക് കൊണ്ടുപോകുന്ന വഴിയാണ് മുളിയാർ കെട്ടുംകൽ സ്വദേശി മൊയ്‌ദീൻ കുഞ്ഞി 45   ജില്ലാ പൊലീസ് മേധാവിയുടെ ക്രൈം സ്‌ക്വാഡ് അംഗങ്ങളായ സി പി ഒ മാരായ നിജിൻ കുമാർ, രജീഷ് കാട്ടാമ്പള്ളി എന്നിവരുടെ പിടിയിലാകുന്നത്. യുവാവ് സഞ്ചരിച്ച സ്കൂട്ടർ സംശയം തോന്നി തടഞ്ഞു വെക്കുകയും വിദ്യാനഗർ പൊലീസ്  സബ് ഇൻസ്‌പെക്ടർ പി.കെ. അബ്ബാസിനെ  അറിയിച്ചതിനെ തുടർന്ന് പൊലീസ് പാർട്ടി എത്തി പരിശോധന നടത്തി. ചാക്കിലും വാഹനത്തിന്റെ സീറ്റിന് അടിയിലുമായി ലഹരി വസ്തുക്കൾ കണ്ടെത്തുകയായിരുന്നു.