മംഗലാപുരം മുത്തൂറ്റ് ശാഖയിൽ കവർച്ചക്ക് ശ്രമിച്ച കാഞ്ഞങ്ങാട് സ്വദേശി ഉൾപ്പെടെ രണ്ട് പേർ അറസ്റ്റിൽ

കാഞ്ഞങ്ങാട് : മംഗലാപുരം മുത്തൂറ്റ് ശാഖയിൽ കവർച്ചക്ക് ശ്രമിച്ച കാഞ്ഞങ്ങാട് സ്വദേശി ഉൾപ്പെടെ രണ്ട് പേർ അറസ്റ്റിലായി. ഇടുക്കി രാജാക്കാട് 

സ്വദേശി മുരളി, കാഞ്ഞങ്ങാട് സ്വദേശി

ഹർഷദ് എന്നിവരാണ് അറസ്റ്റിലായത്. മംഗലാപുരത്തെ ഡെർളക്കട്ടെയിലെ മുത്തൂറ്റ് ശാഖയിലാണ് കഴിഞ്ഞ ദിവസം

 പുലർച്ചെ മൂന്ന് മണിയോടെ മോഷണശ്രമം ഉണ്ടായത്. കാഞ്ഞങ്ങാട് സ്വദേശിയായ അബ്ദുൾ ലത്തീഫ് ഓടി രക്ഷപ്പെട്ടെന്ന് പൊലീസ് പറഞ്ഞു. 

മുത്തൂറ്റ് ശാഖയുടെ മുൻവശത്തെ വാതിൽ പൊളിച്ചാണ് പ്രതികൾ അകത്ത് കടക്കാൻ ശ്രമിച്ചത്. സെക്യൂരിറ്റി അലാം അടിച്ചതോടെ മുത്തൂറ്റിന്‍റെ കൺട്രോൾ റൂമിൽ വിവരം കിട്ടി. അവർ പൊലീസിനെ വിളിച്ച് പറഞ്ഞതിനെ തുടർന്ന് പൊലീസ് ഉടൻ സ്ഥലത്തെത്തി. കെട്ടിടത്തിനകത്ത് മുരളിയും ഹർഷദും കുടുങ്ങി, ലത്തീഫ് പൊലീസ് വരുന്ന ശബ്ദം കേട്ട് ഓടി രക്ഷപ്പെടുകയായിരുന്നു. കേരളത്തിൽ  ബാങ്ക് മോഷണക്കേസ് പ്രതികളാണ് പിടിയിലായ ഇരുവരുമെന്ന് പറയുന്നു. കാഞ്ഞങ്ങാട്ടെ കവർച്ച കേ

സിൽപെട്ടവരാണോ എന്ന് പൊലീസ് അന്വേഷിക്കുന്നു.