കാറിൽ നിന്നും കഞ്ചാവ് പിടിച്ചു മൂന്ന് യുവാക്കൾക്കെതിരെ കേസ് കഞ്ചാവ് ബീഡി വലിച്ച 10 പേർ പിടിയിൽ

കാഞ്ഞങ്ങാട് :കാറിൽ നിന്നും പൊലീസ് കഞ്ചാവ് പിടിച്ചു. കാറിലുണ്ടായിരുന്ന മൂന്ന് യുവാക്കൾക്കെതിരെ കേസെടുത്തു. കഞ്ചാവ് ബീഡി വലിച്ച 10പേരും പിടിയിലായി. പെരിയാട്ടടുക്കത്ത് നിന്നും ഇന്ന് ഉച്ചക്ക് ബേക്കൽ പൊലീസാണ് കാറിൽ നിന്നും 1.080 ഗ്രാം കഞ്ചാവ് കണ്ടെടുത്തത്. കോട്ടിക്കുളം, പെരിയ, പള്ളിക്കര സ്വദേശികൾക്കെതിരെയാണ് കേസ്. തുരുത്തി, മടക്കര ഭാഗത്ത് നിന്നും കഞ്ചാവ് ബീഡി വലിക്കുകയായിരുന്ന അഞ്ച് യുവാക്കളെ ചന്തേര പൊലീസ് പിടികൂടി കേസെടുത്തു. ബേഡകം, രാജപുരം, ഹോസ്ദുർഗ് പൊലീസും കഞ്ചാവ് ബീഡി വലിക്കുകയായിരുന്ന വരെ പിടികൂടി കേസെടുത്തു.