പുതിയകോട്ടയിൽ മാധ്യമ പ്രവർത്തകനെ ഇടിച്ച് തെറിപ്പിച്ച ലോറി നിർത്താതെ പോയി, ഗുരുതര പരിക്ക്

കാഞ്ഞങ്ങാട് :പുതിയകോട്ടയിൽ മാധ്യമ പ്രവർത്തകനെ ഇടിച്ച് തെറിപ്പിച്ച ലോറി നിർത്താതെ ഓടിച്ചു പോയി. മലബാർ വാർത്തയുടെ റിപ്പോർട്ടർ കരിന്തളം സുകുമാരനാണ് 64 പരിക്കേറ്റത്. ഇന്ന് പുലർച്ചെ 5 മണിയോടെ പ്രഭാത സവാരിക്കിടെയാണ് അപകടം. നടത്തം കഴിഞ്ഞ് പുതിയ കോട്ടയിലെ താമസ സ്ഥലത്തേക്ക് പോകവെ പുതിയ കോട്ട ടൗണിൽ വെച്ചാണ് ലോറി ഇടിച്ച് തെറിപ്പിച്ചത്. കാഞ്ഞങ്ങാട് ഭാഗത്ത് നിന്നും നീലേശ്വരം ഭാഗത്തേക്കാണ് ലോറി ഓടിച്ചു പോയത്. റോഡിൽ വീണ സുകുമാരനെ സമീപവാസികൾ ജില്ലാ ശുപത്രിയിലെത്തിക്കുകയായിരുന്നു. തലക്കും കൈകാലുകൾക്കും സാരമായി പരിക്കേറ്റു. ഹോസ്ദുർഗ് പൊലീസ് കേസെടുത്ത് ലോറിയെ കണ്ടെത്താൻ ശ്രമം ആരംഭിച്ചു.