ഗിരീഷിന്റെ ഭാര്യ നാഗി 34, മകള്‍ കാവേരി 5, ഭാര്യയുടെ മാതാപിതാക്കളായ കരിയന്‍ 70, ഗൗരി 65 എന്നിവരാണ് കൊല്ലപ്പെട്ടത്. കുടക് പൊന്നംപേട്ടിലാണ് സംഭവം ഉണ്ടായത്. വ്യാഴാഴ്ച കൊല നടത്തിയ ശേഷം കുടകില്‍ നിന്ന് രക്ഷപ്പെട്ട പ്രതി വയനാട് തലപ്പുഴയില്‍ ഒളിവില്‍ കഴിയുമ്പോഴാണ് പിടിയിലായത്.കുടുംബത്തെ കാണാത്തതിനെ തുടര്‍ന്ന് പരിസരവാസികള്‍ നടത്തിയ അന്വേഷണത്തിലാണ് വീട്ടില്‍ മൃതദേഹങ്ങള്‍ കണ്ടെത്തിയത്. കുടുംബവഴക്കാണ് കൊലപാതകത്തില്‍ കലാശിച്ചതെന്നാണ് പ്രാഥമിക നിഗമനം. മദ്യലഹരിയിലാണ് യുവാവ് കൃത്യം നടത്തിയതെന്നാണ് സൂചന.കത്തി ഉപയോഗിച്ചാണ് കൊലപാതകം നടത്തിയതെന്നു കുടക് ജില്ലാ പൊലീസ് സൂപ്രൻ്റ് കെ. രാമരാജന്‍ പറഞ്ഞു.
0 Comments