കാഞ്ഞങ്ങാട് ബസ് സ്റ്റാന്റ് അടച്ചിട്ടു

കാഞ്ഞങ്ങാട് :കാഞ്ഞങ്ങാട് നഗരസഭ പഴയ ബസ് സ്റ്റാൻ്റ് ഇന്ന്  രാവിലെ മുതൽ അടച്ചിട്ടു.

ആറ് മാസത്തേക്ക് ആണ് അടച്ചത്.

നഗരസഭ വാര്‍ഷിക പദ്ധതിയില്‍ ഉള്‍പ്പെടുത്തി നടപ്പിലാക്കുന്ന കോട്ടച്ചേരി ബസ്റ്റാന്റ് യാര്‍ഡ് കോണ്‍ക്രീറ്റ് പ്രവൃത്തിയുടെ പൂര്‍ത്തീകരണത്തിനായാണ് ബസ്റ്റാന്റ് യാര്‍ഡ്  പൂര്‍ണ്ണമായി അടച്ചിട്ടത്. ഇന്ന് രാവിലെ മുതൽ ബസുകളെ ഒന്നും അകത്ത് കയറ്റുന്നില്ല. ബസുകൾ കയറാതിരിക്കാൻ ജെ. സി. ബിഉപയോഗിച്ച് കയറുന്ന ഭാഗത്ത് കിളച്ചിട്ടുണ്ട്.  ആലാമിപ്പള്ളി പുതിയ ബസ്റ്റാന്റിനകത്ത് മുഴുവന്‍ ബസ്സുകളും കയറുകയും ട്രാഫിക് റഗുലേറ്ററി കമ്മിറ്റിയുടെ നിയന്ത്രണങ്ങള്‍ പാലിക്കേണ്ടതാണെന്നു മാണ്  കാഞ്ഞങ്ങാട് നഗരസഭ സെക്രട്ടറി അറിയിച്ചത്. നിലവിൽ ബസ് സ്റ്റാൻ്റിന് മുന്നിൽ നിർത്തിയാണ് യാത്രക്കാരെ ഇറക്കുന്നത്.