മൂന്നാഴ്ച മുൻപ് കാണാതായ 14 വയസുകാരിയുടെയും യുവാവിൻ്റെയും മൃതദേഹങ്ങൾ കണ്ടെത്തി

കാസർകോട്: കുമ്പളയിൽ നിന്നുംമൂന്നാഴ്ച മുൻപ് കാണാതായ 14 വയസുകാരിയുടെയും 46 കാരൻറെയും മൃതദേഹങ്ങൾ ഇന്ന് ഉച്ചക്ക് കണ്ടെത്തി. ഇന്ന് രാവിലെ മുതൽ കുമ്പള ഇൻസ്പെക്ടർ കെ.പി. വിനോദ് കുമാറിൻ്റെയും മഞ്ചേശ്വരം ഇൻസ്പെക്ടറുടെയും നേതൃത്വത്തിൽ നടന്ന വ്യാപക അന്വേഷണത്തിലാണ് രണ്ട് മൃതദേഹങ്ങളും കണ്ടെത്തിയത്. വീടിന് 200 മീറ്റർ അകലെ ആളൊഴിഞ്ഞ സ്ഥലത്ത് അക്കേഷ്യ മരത്തിൽ രണ്ട് പേരും തൂങ്ങി മരിച്ച നിലയിലായിരുന്നു. അഴുകി അസ്ഥി രൂപത്തിലായിരുന്നു. മൃതദേഹങ്ങൾ ആശുപത്രി മോർച്ചറിയിലേക്ക് മാറ്റാനുള്ള ശ്രമത്തിലാണ് പൊലീസ്.

 പൈവളിഗയില്‍ നിന്നു മാണ് പെൺകുട്ടിയെ  കാണാതായത്.

 ഫെബ്രുവരി 12 മുതലാണ് കാണാതായത്. പത്താം ക്ലാസില്‍ പഠിക്കുന്ന മകള്‍ തങ്ങള്‍ രാവിലെ ഉറക്കമുണര്‍ന്നപ്പോള്‍ വീട്ടില്‍ ഉണ്ടായിരുന്നില്ലെന്ന് പിതാവ് പരാതി നൽകിയിരിന്നു. പ്രദേശവാസിയായ യുവാവിനെയും പെണ്‍കുട്ടിയെ കാണാതായ അതേ ദിവസം മുതല്‍ അപ്രത്യക്ഷനായിട്ടുണ്ടെന്നും ഇവര്‍ കുമ്പള പൊലീസിന് നല്‍കിയ പരാതിയില്‍ പറഞ്ഞിരുന്നു. മിസ്സിംഗ് കേസെടുത്ത് കുമ്പള പൊലീസ്  മൊബൈല്‍ ടവര്‍ കേന്ദ്രീകരിച്ച് അന്വേഷിച്ചെങ്കിലും വിവരമൊന്നും ലഭിച്ചിട്ടില്ല. ഡ്രോണുകളും പൊലീസ് നായയെ ഉപയോഗിച്ച് കാട്ടിലടക്കം തിരച്ചിൽ നടത്തി.