ആലപ്പുഴയിലെ ശങ്കു ആവശ്യപ്പെട്ടു അംഗനവാടി കുട്ടികൾക്ക് ബിരിയാണിയുമായി വനിത ലീഗ് പ്രവർത്തകരെത്തി

കാഞ്ഞങ്ങാട് : സോഷ്യൽ മീഡിയയിൽ  വൈറലായ ആലപ്പുഴയിലെ പ്രജുൽ കൃഷ്ണനെന്ന ശങ്കുവിന്റെ അംഗൻവാടികളിൽ ഉപ്പുമാവിന് പകരം ബിരിയാണിയും പൊരിച്ച കോഴിയും നൽകണം എന്ന രസകരമായ ആവശ്യം ഏറ്റെടുത്ത് മലയോരത്തെ വനിത ലീഗ് പ്രവർത്തകർ. ബളാൽ പഞ്ചായത്ത് വനിത ലീഗ് കമ്മിറ്റിയാണ്‌ ഇടത്തോട്, കനകപള്ളി, ഏറാൻചിറ്റ, കല്ലൻച്ചിറ  അംഗൻവാടികളിലെ 

കുട്ടികൾക്ക് ഉച്ചഭക്ഷണസമയത്ത് ബിരിയാണി എത്തിച്ചുനൽകിയത്. അങ്ങ് അകലെയുള്ള  ശങ്കുവിന്റെ ബിരിയാണി പ്രക്ഷോഭത്തിന്റെ ഗുണം ഇങ്ങു മലയോരത്തും ലഭ്യമായി.

 പതിവ് ഭക്ഷണം തരാൻ വൈകുന്ന ദേഷ്യത്തിൽ അംഗനവാടി മുറ്റത് ഇരിക്കുന്ന കൊച്ചുകുട്ടികൾക്ക് മുന്നിലേക്ക് ആണ് ബിരിയാണിയുമായി വനിത ലീഗ് പ്രവർത്തകർ എത്തിയത് തുടർന്ന് അംഗൻവാടി കുട്ടികൾക്കും അവിടെയുണ്ടായിരുന്ന കുട്ടികളുടെ മാതാപിതാക്കൾക്കും വനിത ലീഗ് പ്രവർത്തകർ ബിരിയാണി വിളമ്പികൊടുത്തു. 

കുട്ടികളുടെ സന്തോഷം  ആശ്വാസവുമാണെന്നും   നല്ല വിഭവങ്ങൽ വീട്ടിൽ ഉണ്ടാക്കി തുടർന്നും  അംഗൻവാടികളിലെത്തുമെന്ന്  വനിത ലീഗ് പ്രവർത്തകർ പറഞ്ഞു.

മുസ്ലിം ലീഗ് നേതാക്കളായ ഇസ്ഹാഖ് കനകപള്ളി, എ .സി . എ . ലത്തീഫ്,പഞ്ചായത്ത്‌ സ്റ്റാൻഡിങ് കമ്മിറ്റി ചെയർമാൻ ടി. അബ്ദുൽഖാദർ,കോളിയാർ മുഹമ്മദ്‌ കുഞ്ഞി, അഷ്‌റഫ്‌ വള്ളിച്ചിറ്റ, 

വനിതാ ലീഗ് നേതാക്കളായ 

റഹ്മത്ത് 'ആയിഷ മജീദ് ,

ബീഫാത്തിമ പ്ലാച്ചിക്കര ,നസീറ കോളിയാർ ,അസ്മ കുതിരുമ്മൽ ,

സീനത് തയ്യിൽ ,സുമയ്യ ,റഹ്മത്ത് കല്ലഞ്ചിറ ,നഫീസ ഇടത്തോട് 

സുഹറ ഇടത്തോട് ,സെമീറ ഇടത്തോട് ,

ഹാജറ ലത്തീഫ് ,

റിസാന കനകപ്പള്ളി  പരിപാടിയിൽ പങ്കെടുത്തു.