മെട്രോകപ്പ് പൊവ്വലിനെ ഒന്നിനെതിരെ രണ്ട് ഗോളുകൾക്ക് കീഴടക്കി മൊഗ്രാൽ പുത്തൂർ ഫൈനലിൽ

കാഞ്ഞങ്ങാട്: ചിത്താരി ഹസീന ക്ലബ്ബ് സംഘടിപ്പിക്കുന്ന രണ്ടാമത് എസ്.എഫ്.എ അംഗീകൃത മെട്രോ മുഹമ്മദ് ഹാജി അഖി ലേന്ത്യ സെവന്‍സ് ഫുട്‌ബോള്‍ ഫ്‌ളഡ് ലൈറ്റ് ടൂര്‍ണ്ണമെന്റെ ഒന്നാം സെമി ഫൈനൽ മത്സരത്തിൽ   വിഗാൻസ് മൊഗ്രാൽ പുത്തൂർ ( സൂപ്പർ സ്റ്റുഡിയോ മലപ്പുറം ) ഫ്രണ്ട്സ് പൊവ്വലിനെ  (മെർമർ ഇറ്റാലിയ സാബാൻ കോട്ടക്കൽ ) ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തി ഫൈനലിൽ കടന്നു.  വാശിയേറിയ മത്സരം ആയിരുന്നു. കളി കഴിയും വരെ ഇരു ടീമുകളും കളം നിറഞ്ഞു കളിച്ചു. ആദ്യ പകുതിയിൽ മൊഗ്രാൽ പുത്തൂരിന്റെ വിനീഷസ് 14 –ാം മിനിറ്റിൽ ആദ്യ ഗോൾ വലയിലാക്കിയെങ്കിലും മൊഗ്രാൾ പുത്തൂരിന്റെ ആവേശം തല്ലി തകർത്തുകൊണ്ട് 24–ാം മിനിറ്റിൽ പൊവ്വലിന്റെ ആഷിഫ് വില്ലനായി തിരിച്ചടിച്ചു രണ്ടാം പകുതിയിൽ കളി അവസാനിക്കുന്ന മിനിറ്റ് മുമ്പ് വരെ ഇരു ടീമുകളും ഗോളിനായി പൊരിഞ്ഞ പോരാട്ടം  നടത്തി. 59–ാം മിനിറ്റിൽ പൊവ്വലിന്റെ പ്രതീക്ഷ തകർത്തുകൊണ്ട് മൊഗ്രാൽ പുത്തൂരിന്റെ അച്ചുടു വിജയ ഗോൾ നേടി. അച്ചുടു മികച്ച കളിക്കാരനായി.ഇന്നത്തെ മത്സരം നാലാം ക്വാർട്ടർ ഫൈനൽ യങ്ങ് ഹീറോസിസ് പൂച്ചക്കാട് (യുണൈറ്റഡ് എഫ്.സി. നെല്ലിക്കുത്ത് ) സ്പോട്ടിങ് പരയങ്ങാനം (റോയൽ ട്രാവെൽസ് കോഴിക്കോട് ).