എം.ഡി.എം.എയുമായി പിടിയിലായ യുവാവിന് രണ്ട് വർഷം കഠിന തടവും പിഴയും

കാസർകോട് :എം ഡി എം എ യുമായി പിടിയിലായ പ്രതിക്ക് രണ്ട് വർഷം കഠിന തടവും ഇരുപതിനായിരം രൂപ പിഴയും വിധിച്ചു . കാസർകോട് പൊലീസ്  സ്റ്റേഷൻ പരിധിയിൽ തളങ്കര സ്വദേശി സുലൈമാൻ റിഫായി എന്ന ചിട്ടി റിഫായി 31യെ ആണ് കാസർകോട് അഡിഷണൽ ഡിസ്ട്രിക്ട് ,സെഷൻസ് കോടതി (രണ്ട്) ജഡ്ജ് കെ. പ്രിയ ശിക്ഷ വിധിച്ചത് . പിഴ അടച്ചില്ലെങ്കിൽ മൂന്ന് മാസം അധിക തടവ് അനുഭവിക്കണം .2021 ജുലൈ തളങ്കര മാലിക്ദീനാർ പള്ളിക്ക് സമീപം  എം ഡി എം എ യുമായി പ്രതി പിടിയിലാകേസിലാണ് ശിക്ഷ . കാസർകോട് ടൗൺ എസ് ഐ ആയിരുന്ന ഷെയ്ഖ് അബ്ദുൾ റസാഖ് ആണ് പ്രതിയെ പിടികൂടിയത് . തുടർന്ന് അന്നത്തെ  ഇൻസ്പെക്ടറും ഇപ്പോൾ 

ഹോസ്ദുർഗ് ഇൻസ്പെക്ടറും ആയ പി. അജിത് കുമാർ കേസിൽ അന്വേഷണം നടത്തി കോടതിയിൽ കുറ്റപത്രം സമർപ്പിക്കുകയും ചെയ്ത

കേസാണ് .പ്രോസിക്യുഷന് വേണ്ടി അഡിഷണൽ ഗവണ്മെന്റ് പ്ലീഡർ ജി. ചന്ദ്രമോഹൻ , അഡ്വ.ചിത്രകല എന്നിവർ ഹാജരായി.