വീട് തകർന്നു വീണ് ഉറങ്ങി കിടന്ന ദമ്പതികൾക്ക് പരിക്ക്

നീലേശ്വരം: കരിന്തളം പാറക്കോലിൽ വീട് തകർന്ന് ദമ്പതികൾക്ക് പരിക്കേറ്റു . ചൊവ്വാഴ്ച്ച രാത്രി 12 മണിയോടെയാണ് അപകടം. വലയ ശബ്ദം കേട്ടാണ് ഉണർന്നത്. പാറക്കോലിലെ എ . പി.മാണിക്കത്തിന്റെ വീടാണ് തകർന്നത്. ഉറങ്ങുകയായിരുന്ന എ.പി. മധു 47 ഭാര്യ ടി. പ്രീതി 37 എന്നിവർക്ക് പരുക്കേറ്റു. പ്രീതിക്ക് തലക്കും 'മധുവിന് കൈക്കുമാണ് പരുക്ക്. സ്വകാര്യാശുപത്രിയിൽ പ്രവേശിപ്പിച്ചു. കിനാനൂർ - കരിന്തളം പഞ്ചായത്തംഗം ടി.എസ്.ബിന്ദു, പാറക്കോൽ രാജൻ  ബ്രാഞ്ച് സെക്രട്ടറി വി.തങ്കരാജൻ എന്നിവർ സന്ദർശിച്ചു.