ബുള്ളറ്റും കാറും കൂട്ടിയിടിച്ച് രണ്ടുപേർക്ക് ഗുരുതരം

കാഞ്ഞങ്ങാട്: അതിഞ്ഞാൽ കോയാപ്പള്ളിക്ക് സമീപം ബുള്ളറ്റും കാറും  കൂട്ടിയിടിച്ച് രണ്ടുപേർക്ക് പരിക്ക്.  പുലർച്ചെ മൂന്നര മണിക്കാണ് അപകടം. കാസർകോട് ഭാഗത്തേക്ക് പോകുകയായിരുന്ന ബുള്ളറ്റും  കാഞ്ഞങ്ങാട് ഭാഗത്തേക്ക് വന്ന കാറും കൂട്ടിയിടിക്കുകയായിരുന്നു. ഇട്ടമ്മലിലെ അബ്ദുൽ മുനീർ 22,  ബല്ലാകടപ്പുറത്തെ മിസ്ഹബ് 23 എന്നിവർക്കാണ് പരുക്കേറ്റത്. സാരമായി പരിക്കേറ്റ ഇവരെ  മംഗലാപുരം ആശുപത്രിയിൽ പ്രവേശിപ്പിച്ചു.